(http://www.hermesnews.org/)
New York, polica arreston një grup vajzash që dolën nudo në rrugë
BEQIR SINA , New York
Vajzat u thanë gazetarve se 'ishin zhveshur për të bërë art'
New York
MANHATTAN NEW YORK CITY - "Nuk është rasti i parë dhe nuk do ta lëmë të
përsëritet më", deklaroi komisari i policisë së New Yorkut, Ray Kelly, ndërsa
tërhoqi vëmendjen qytetarëve njujorkez se "lira e të drejtat e njeriut
kanë kufi''.
Gjithçka, ndodhi këto orët e para të mëngjesit në qytetin e New Yorkut në
një kohë piku kur qyteti fillon të "ziejë" nga lëvizjet e qytetarëve që
nxitonin të shkonin në punë.
Një grup vajzash të reja aty rreth të njëzetave të zhveshura lakuriq po
pozonin dhe filmoheshin duke pretenduar se ato dhe producenti i tyre po
"bënin art" natyral.
Qytetarët janë habitur me bukuroshet e "pa ndrojtura", siç tha njeri prej
tyre "ne ndoshta ishim mësuar që të shohim që dikush është zhveshur kur ka
patur nxehte: ka disa njerëz që zhvishen vetëm apo ne grup për ndonjë
fushatë, apo në shenjë proteste a ndonjë diçka tjetër të kësaj natyre, por jo në
këtë mënyrë".
Në vend, vajzat e zhveshura u thanë gazetarve se ''ishin zhveshur për të
bërë art".
Artisti njujorkez Zefrey Throwell kishte grumbulluar rreth 50 femra të
bukura dhe po qëndronte para ndërtesës së Wall Street, duke zgjedhur vajzat që
më pas i vendoste në pjesë të ndryshme të zonës.
Videofotografi i "Videos and photos of Throwell's Ocularpation" afër
rrugës Wall Street, tha se ky është projekti i fundit që kishte për realizim një
videoje në këtë rrugë të njohur në qytetin tonë.
Raportet e kanalit televiziv të qytetit NY1 thanë se sot pas orës 7 të
mëngjesit, policia zbarkoi në rrugën Wall Street duke arrestuar vajzat që i
gjeti të zhveshura dhe tre prej personave kryesorë të përfshirë, në këtë
"projekt-arti" të Throwell. Ata arrestuan dhe një roje të studios, bashkë me
një preson që policia tha se ishte ndërmjetësi i aksioneve të këtij projekti.
lmpx.com only provides a reader for public news (NNTP) servers. It is not
affiliated with the servers or forums shown here and is not responsible for
the content of articles, which is written by their respective authors.