Takimi i II vjetor i QSA-ve

Takimi i II vjetor i QSA-ve <http://solidariteti.com/?p=1557>

http://solidariteti.com/?p=1557


Me 15 shtator të vitit 2012, u mbajt takimi i dytë vjetor midis Qendrave të
Solidaritetit dhe Avancimit nga Presheva, Kumanova, Belgjika, Zvicra,
Gjermania. Nikoqir i takimit ishte Qendra e Solidaritetit dhe Avancimit-
Zvicërr, ndërsa vendi i mbajtjes ishte qyteti historik Solothurn në Zvicërr.

Karakteri i këtij takimi përvec njoftimit midis qendrave të posathemeluara,
ishte edhe vënia e themeleve të një bashkëpunimi intern, të brendshëm, si
dhe hartimi i planeve dhe strategjive të veprimit në sferën e
solidaritetit, humanizmit, avancimit e socializimit të grupeve të caktuara
shoqërore.

Në takim u bisedua edhe për zgjerimin e qendrave edhe në trojet tjera
shqiptare, duke i dhënë prioritet Kosovës dhe Shqipërisë, po ashtu edhe për
akumulimin e mjeteve financiare nga mërgimtarët që jetojnë edhe jashtë
Zvicrës, Belgjikës e Gjermanisë, duke hapur qendra akumulimi në ato vende
ku jetojnë dhe veprojnë shqiptarët.

Nga takimi u sollën përfundime se situata sociale dhe ekonomike e trojeve
tona është duke u përkeqësuar, prandaj lind nevoja permanente për ndërhyrje
të shpejtë dhe efektive. Po qe se ideali i lirisë, i bashkonte shqiptarët
në mërgim, tentohet që përmes idealit të solidaritetit dhe investimit në
atdhe, kjo mërgatë të ngelet e bashkuar.

Solothurn, 15.09.2012