Re: [AlbClub] Tjeter muhabet

                  *** AlbClub Discussion List ***



Tatjeta Tironc,

feja e shkenca, si praktike, se po m'kcen kush n'qafe e po m'pisket
per konvergjencen eventuale t'tyne n'cashtje qe i shtjellojne, po
deshmohen si gjana jokompatibile, e kjo natyrisht qe s'vlen
ekskluzivisht per muslimanizmin. I permend edhe Hoodbhoy problemet e
pergjithshme fe-shkence, si psh kreacionizmin, hulumtimet per qelizat
ame, ufot e scientologjine, e si kto. Kto probleme s'hasen nder
shqiptare, jo pse kta jane ma t'mencem, por se nji komponente e dyshes
qe duhet per duel mungon, s'ka shkence.  N'fakt, nji fije shkence asht
ba, ajo per gjuhesine, e kjo e ka dyshin kundershtar, bindjen fetare
kisha me e quejt, per pellazgnine a etruskine, a qysh me i qujt kto
delire, t'popullit shqiptar. Por, ka edhe probleme qe i hasim edhe
n'bote, si psh djemte e vajzat me ferexhe n'shkolle. Mirepo, kto ma
teper jane probleme me konvenca shoqnore, se sa me rezultate qe i jep
shkenca. Per shqiptarin, puna se a ka ardhe njeri prej majmunit a prej
lloqit asht shume e parandsishme edhe ai i pershtatet cilesdo
pergjigje.

Do dilema qe i ngreu Hoodbhoy, e qe m'duken qe jane plotsisht
legjitime edhe per univesritetet shqiptare jane ato rreth qendrimit,
qasjes, e mentalitetit ndaj shkences e ditunise. Shqiptaret e kane
dashte dijen, msusi ka qene figure e mire. Por sot s'asht, sot shihet
si nji qyqar qe menxi e lidh muejin me muej. Pastaj, Hoodbhoy thote qe
pasunia s'asht zgjidhje e problemit, e kjo qon te nji shqyrtim qe
duhet ba edhe nder shkolla shqipe. Ankohen njerzit qe s'ka internet,
s'ka laboratore, s'ka parapagime n'revista, s'ka mjete. Mirepo, a ka
shenja qe po i paten kto gjana, rezultatet s'kane me mungue? Mos jemi
sukur arabte, edhe me pase pare s'qesim gja n'drite? Ka shembuj qe
njerzit bajne pune t'madhe edhe pa u kyce n'institucione. Po i
permendi vetem dy: nja asht ai i Barbour-it, i cili punon me hipotezen
qe koha nuk egzison. I dyti asht ai i Lisi-it, i cili edhepse
instruktor surfi e skijimi, e perpiloi nji teori t're per gjithckane,
e e cila e pret testin eksperimental vitin tjeter. Kta individe jane
rrite n'ambijent ku pelqehet e mundsohet mendimi shkencor, e per ma
teper edhe vlersohet, prandaj mujne me perpilue ksifare teorina. Une
mungesen e ambijentit t'pershtatshem e shoh si problem t'madh. Sikurse
qe thote edhe Hoodbhoy, edhe ai fmija qe shet cigare rruges sot asht
ba me telefon mobil, mirepo une s'e di se sa asht n'gjendje m'i
shfrytzue t'mirat qe teknologia ja ka ofrue. Paj, tek e fundit, ky
asht problem global, nji profe m'thote qe duhet me ja ndale pak turrin
teknologjise, se njerzit s'kane takat m'i absorbue kta qe vec asht.

Sidoqofte, per mue asht e dhimbshme qe sot te na, njerzit shkojne
n'shkolle per me marre (ose ble) diplome e me hi n'pune, jo per me
msue.

Tana t'mirat,
Ardiani
______________________________________________________________
If you wish to unsubscribe, send a blank message to:
[email protected] , or visit Alb-Club's page at:
http://www.alb-net.com/mailman/listinfo/alb-club