[AlbClub] Fwd: Fwd: Mbi deklaratat e PD-se dhe gazetareve mbi bosin e TopMedias

                  *** AlbClub Discussion List ***

E dashur Bogdani,

jo vetëm për hir të etiketës së mirë, por mund të të siguroj  
sinqerisht, se në asnjë moment nuk kam dashur të monitorizoj stilin  
apo fjalëzgjedhjen në mesazhin tënd të mëhershëm dhe të gjithë do të  
ishim shumë më të ndihmuar, sikur ta besonim dot pa rezerva një  
predispozicion të tillë. Unë jam i ndërgjegjshëm që alb-club-i është  
një platformë e tillë e komunikimi, ku vetëm mendimet shprehura mund  
të jenë objekt i diskutimit. Megjithatë në qoftë se kam lënë një  
përshtypje tjetër, kjo ka ndodhur fatkeqësisht vetëm aksidentalisht.  
Për sa i përket anonimitetit ka një marrëveshje të pashkruar në alb- 
club (nqs nuk e kam kuptuar gjë gabim) që ky bëhet i papranueshëm,  
nëse shërben si mjet për cenimin e dinjitetit të të tjerëve , pra  
përdoret si një lloj arme dhe mua nuk më duket gjë ta kem kapërcyer  
ndonjëherë këtë kufi. Në këto rrethana le të vazhdojmë dhe ta marrim  
në konsideratë atë si një zgjedhje timen personale, e cila ka vend  
këtu po aq shumë për diskutim sa edhe fakti, nëse ti kur shkruan i ke  
hequr gjë bigudinat nga koka apo jo.

Që të kthehem sa më shpejt tek argumenti kryesor i diskutimit, unë nuk  
kam asnjë informacion se sa legjitime kanë qenë rrugët me të cilat e  
kish vënë pasurinë i ndjeri D.H., ajo që them dot unë sot është unë  
nuk di të ketë ndonjë vlerësim zyrtar për këtë gjë, paçka se Qeveria  
Berisha 2 madje ndryshoi edhe legjislacionin ne fuqi në Rep. e  
Shqipërisë për të mundur ta kontrollonte dot edhe më intensivisht se  
çfarë e lejojnë standardet e kontinentit tonë perandorinë financiare  
të të sipërpërmendurit. Megjithatë edhe me këtë nuk kam thënë akoma se  
ato kanë qenë legjitime. Mua nuk më intereson kjo gjë dhe nuk kam në  
plan të shprehem për këtë gjë.  Ndërhyrja ime nuk e kishte edhe aq  
pasurinë e të ndjerit si objekt, se sa faktin se në Republikën e  
Shqipërisë qytetarët nuk janë të barabartë për sa i përket vëllimit të  
të drejtave të tyre qytetare, si dhe se i ndjeri si një rrugaç i  
vërtetë duke thyer rregullat e sjelljes së bashkëjetesës qytetare, u  
soll si një vrasës potencial; madje me një probabilitet të lartë në  
rastin më të mirë nga pakujdesia u bë edhe një i tillë (vdekja e  
viktimës E.H. mund të jetë shkaktuar me fajin e viktimës D.H.),  
ndërkohë që autoritetet zyrtare dhe grupimet partiake e panë përsëri  
të nevojshme ta instrumentalizonin ngjarjen vetëm për vazhdimin e  
luftës partiake.

Mua nuk më duket se jemi shumë larg me gjykimin e çështjes, për të  
cilën nga ana tjetër edhe nuk është se do të duheshim detyrimisht të  
përpiqeshim gjë. Megjithatë, për hir të një sinkronizimi qoftë edhe të  
rastësishëm të vlerësimit kritik të ngjarjes tashmë aq të përfolur,  
atë sugjerimin për të marrë A. Likën si burim informacioni objektiv,  
po e marr një herë për një herë si të pa bërë, ngaqë edhe këtë e kam  
mbuluar prej kohësh me një stërfiltër të tmerrshëm, se nuk është se me  
ka lënë gjë mëndja e kokës të lexoj propagandën partiake që bën ai  
njeri, që e bën në fakt edhe shumë keq. Madje çudi si nuk e ka nxjerrë  
Era Makoçi nga klubi, se kur u vendos një herë që alb-clubi nuk mund  
të përdoret si platformë për shitjen me shumicë të tekstileve kineze,  
propagandimit të dëmeve të duhanit për shëndetin së bashku me thirrjet  
për lënien e tij, apo të tjera të ngjashme dhe u tha që tregëtarë  
ambulantë çikerimash prodhuar në mënyrw politikisht jokorrekte,  
stomatologë westballkanikw tw paçertifikaur që nuk e pranojnë nga ana  
përmbajtsore betimin e Hipokratit, mashtrues vejushash të  
pangushulluara, fundamentaliste partiakë apo fetarë si dhe gjimnazistë  
të sapo dashuruar mos u dukni fare në alb-club. Këta ikën pa bërë  
fjalë kurse islamikët varën buzët, ikën por kthehen herë pas herë. Ky  
ka ngelur siç duket akoma.


Përndryshe edhe unë lexoj me shumë ëndje çdo rresht që shkruhet këtu,  
madje si do të mund ta filloja dot ditën ndryshe.

Te fala


GH

______________________________________________________________
If you wish to unsubscribe, send a blank message to:
[email protected] , or visit Alb-Club's page at:
http://www.alb-net.com/mailman/listinfo/alb-club