[AlbClub] kemboret e universiteteve

                  *** AlbClub Discussion List ***




Mendoj se eshte shume pozitive qe erdhi radha te diskutohet per
universitetet ne Shqiperi.


Rritja e nivelit kulturor e profesional eshte e vetmja rruge per
perparimin e shiptareve e te Shqiperise. Trute marrin akoma me shume
rendesi ne epoken e globalizmit, dhe kur teknologjite po lehtesojne
pikerisht konkurencen e truve. Si rrjedhoje, sa me shume
universitete te kene shqiptaret aq me mire eshte.


Por ... nuk thone kot qe djalli eshte ne detaje. Desha te thoja, le
te mos perpiqemi te shpikim rroten dhe ne kete fushe. Bota ka shekuj
qe merret me kete pune, si rrjedhoje, le ta respektojme kete
eksperience.


Fjalen e kisha tek universitetet private, e sidomos per ato me
qellim fitimi. Eshte e qarte, qe ne nje ekonomi tregu, askush,
perfshire shtetin, nuk ka te drejte te pengoje dike tjeter si t'i
investoje parate e tij. Por, pervoja boterore tregon se
universitetet, per te qene ashtu si duhet, kushtojne shume.
Universitetet private me emer harxhojne me shume se dyfishin e te
ardhurave prej studenteve. Pra, eshte e qarte, jo vetem qe s'ka vend
per fitim, por duhen gjetur goxha financime te tjera si nga
investive te ketyre universiteteve private (psh. ne stock market),
dhurata, e keshtu me radhe. Do te isha kurioz te degjoja nje
universitet privat me emer qe del me fitime.


Nje tjeter vecanti e universiteteve ne krahasim me aktivitetet e
tjera, eshte se produkti i atyre te pareve del ne drite, se paku,
mbas kater apo pese vjetesh. Ndersa nje universiteti, per te bere
emer, i duhen shume me teper vite. Si rrjedhoje, arsyetimi se
konkurenca e tregut do te garantoje cilesine nuk duket se qendron.


Dikush (aq me shume ata me moral te dyshimte) mund t'i dy-tre
fishoje investimet per ca vjet, pa qene nevoja fare te merret me
cilesine e universitetit te tij te arte. Po harxhe do t'i paguajne
kungujt perkates dhe shoqeria qe do t'i duihet te beje byrek me
kungull.


Nga ana tjeter, roli i universiteteve shteterore nuk mund te
zevendesohet nga alternariva te tjera. Pergatitja e brezit te ri
eshte thelbesore per shoqerine. Si rrjedhoje, ajo duhet ta zgjidhe
qesen e te investoje si duhet, se pari, per te mos pasur te ardhmen
teresisht te varur nga kapricot e tregut, dhe e dyta, per t'i dhene
mundesine atyre qe nuk i kane mjetet, qe do privati, per te bere
shkolle dhe hajer per vehte, por dhe per shoqerine vete. Ne fund te
fundit, zoti apo natyra ben shperndarje te rastit te truve, pra
s'eshte e thene qe Ainshtajnet e ardhshem te mos jene nga bregu i
lumit.



Eshte e vertete qe sot universitetet shteterore jane ne pike te
hallit. Por, kjo s'do te thote tu vihet shqelmi e t'i kendohet vetem
tregut cudiberes. Universitetet shteterore kane nevoje per nje
reforme te thelle, qe do t'i bente te manaxhoheshin si private, duke
marre autonomine e duhur dhe pergjegjesite perkatese qe vijne me te.
Kjo do te bente te rritej cilesia e profesoratit, e mesimit, e mbase
dikur edhe e kerkimit shkencor. Por, ky eshte nje muhabet i gjate, e
mbase per nje here tjeter.



Une uroj qe universitetet private te lulezojne e te konkurojne, dhe
mbase dikur do te kemi dhe ne universitete te tilla sic duhet dhe me
emer. Keto lloj universitetesh, kuptohet qe, ne pergjithesi, do tu
kerkojne me shume pare studenteve, por po qe se synojne cilesi, nuk
do te arrije te nxjerrin fitime, perkundrazi. Bile shteti duhet te
ndijmoje dhe ata me cilesoret nder privatet.



Universitete pacavure ka gjithandej ne bote. Ka nga ata qe shesin
diplomat dhe ne Internet. Por, vendet qe perparojne kane nje rrjet
te fuqishem universitetesh cilesore, qe garanton pikerisht
zhvillimin, dhe qe i ben te paperfilleshm universitetet koti, me apo
pa fitim.




Pershendetja pa kushte e tregut te lire ne fushen universitare i
ngjan shume laiser fair per piramidat qe aq shume dem i bene
shqiptareve. Prandaj, sic a thashe qe ne fillim, le te mos mundohemi
te shpikim rroten, apo te marrim rolin e fenerit per dynjon.
Sidoqofte, le presim sa te behemi superfuqi energjitike! Nderkohe,
ishalla te gjejme ca qe marrin vesht nga kjo pune, e le t'ia varim
atyre kemboret e universiteteve.


Çun Tirone

_________________________________________________________________
Windows Live Hotmail and Microsoft Office Outlook – together at last.  Get it now.
http://office.microsoft.com/en-us/outlook/HA102225181033.aspx?pid=CL100626971033
______________________________________________________________
If you wish to unsubscribe, send a blank message to:
[email protected] , or visit Alb-Club's page at:
http://www.alb-net.com/mailman/listinfo/alb-club