Re: [AlbClub] Duhet te jete e padurueshme

                  *** AlbClub Discussion List ***





Jane te tera te forta ato qe keni seleksionuar, por me duket se s'ka asgje  
per tu habitur. Si berthama humoresh e krijimesh te mirefillta, te  
mevonshme po!
Por, a themi dot se shtypi nuk eshte pjese e se teres aty?

Sepse nuk ka asnje shkak ta konsiderojme "te lire" shtypin e Tiranes.  
(Edhe pse monstruoziteti i citimeve ne fjale nuk ka te bej me shume me  
lirine e shtypit se sa me nivelin profesional te gaz-tareve ne te apo me  
portretin moral te tyre si qytetar te pergjegjshem.)

Duhet te pranojme se liria e fjales sot ne Tirane eshte me e madhe se sa  
pergatitja profesionale dhe pavaresia e te punesuarve ne shtyp.
Relativiteti ndaj lirise se fjales na perfshine dhe neve, matane deteve  
dhe oqeaneve. Ndjehemi me te lirshem ne thenien ee gjerave, por a nuk e  
kemi vene re se vargonjte e robberise se rrethanave atje, na mbajne ca si  
shtrenguar edhe ketu ku jemi?! Vazhdojme inercine e atyre qe kemi pare apo  
provuar vete dikur, duke neglizhuar faktin se ata qe jetojne e udheheqin e  
shkruajne atje jane ne rrethana te tjera. Te tjera prej tonave kendej, por  
te tjera edhe prej atyre qe lame ne DIKUR. Ne Tirane ka gazetare qe  
ndeshen perdite me te keqen, me poziten dhe opoziten, por edhe me  
antiopozitarizmin si rol apo pune me rente. Pavarsisht felliqesise qe  
eshte evidente (jo vetem ne kronikat e zeza), ne shtyp ngrihen hera heres  
zera qe prishin qetesine e syprinave te vakta apo qe paralajmerojne  
zhvendosje te ardhme.

Kurse profesionalizmi nuk ka si pritet me shpejt se nevoja serioze dhe  
detyrimi per tu informuar.
Pellumb Kulla pak kohe me pare verejti mencur e idhet se atje gallaten e  
bejne me te madhe ata qe jane me lart!
Kokonozi gjithashtu ka bere nje sere analizash te thella e serioze per  
realitetet e atjeshme, por une nuk shoh ndonje shkak per te qeshur apo per  
te qare befasueshem nga titujt e gazetave atje. Titujt nuk jane tjeter  
vecse si fjalimet e premtimet e politikaneve, po aq spekullues si  
programet e partive, po aq te paturpshem dhe te dhunshem sa bodigardet,  
dhe po aq te pabesueshem sa pavaresia false.

Interesuar per nje ngjarje me polici e prokurori ne Tirane, ne dy tri  
gazeta lexova se nje i akuzuar per krim ne tentative ishte lene i lire,  
por nje miku im atje me shkruante "mos beso kroniken e zeze te gazetave!  
Kij parasysh sikur te gjitha i shkruan filani!" Filani ishte dikush qe mos  
e zot ta pranosh si i pergjegjshem dhe informues...!

Gazetaret atje jane thuajse te tere pa kontrata, bejne c'mund te bjen ne  
sy, te bejne nga pak emer prej ketyre flakadaneve, te bejne ndonje  
kompromis apo kercenim me policine apo drejtesine dhe ... te kompensojne  
pagen e pasigurine e tyre.

Eshte nje trishtim midis te tjerash gjera te trishtuara, por ah sikur te  
ishin vetem titujt apo vetem kronika e zeze keshtu!





On Mon, 07 Jan 2008 16:05:24 -0500, D. K. <[email protected]> wrote:

>                   *** AlbClub Discussion List ***
>
>
>


______________________________________________________________
If you wish to unsubscribe, send a blank message to:
[email protected] , or visit Alb-Club's page at:
http://www.alb-net.com/mailman/listinfo/alb-club