Re: Spaetzle schaerre

Guenther Fischer <[email protected]> wrote:
> > Hallole,
> >
> > I kenn dees als "Henderschefier", ond des war d gleicha Bedeidong wie domm
> > oder omschdendlich.
> > So "Schdell de edd so henderschefier a!" oder "Du machsch dees aber
> > henderschefier".
> >
> > Hadd mei Oma, die wo aus Besserabia verdrieba worra isch, oft gsaid.
> > Keed also von dao komma, oder se hads dohanna aufgschnabbd ond es isch scho
> > lenger nemme so bekannt des Werdle.
> >
> > Dr Marco
> 
> Es isch omkehrd: D Bassarabiendeutsche send vor 200 Johr aus onserer Gegend 
> (Südwestdeutschland) noch Bessarabien ausgwandert.
> Deine Vorfahra send sicher echte Schwoba gwä, wenn dei Oma 
> ?Henderschefier? gsaid hodd. Des schnabbt mr edd so oifach auf, so a 
> henderschefiers Wort.
> I kenn iebrigens a baar Bessarabiendeutsche. Zwoi von denne han i mol zamma 
> brocht. Se hend da gleiche Famiianama ghedd, hend sich aber edd kennd. S hodd 
> sich no rausgschdellt, dass ihre Vorfahra uss em Remstal ausgwandert send ond 
> dass se us em gleicha Dörfle schdammed ond dass se sogar verwandt send 
> mitanand.
> So isch no ao wieder....

Also Zuafaell geids, ma sodd ed fuer meglich halda.
"Berg ond Dal komma ed zamma, aber d'Leit" :-))

Grieassle vom Eile, dia jetzt a Zwetschgaxelz macht.
Des Zwetschgaxelz dua I aber er buerrira, I mag do dia Haeutle.
Ond Ihr wia megad Ihr s'Zwetschgaxelz?
I her Euch scho schreia: Ueberhaupt ed!!


-- 

     Maria Horlacher - [email protected]  -  http://www.flupp.org/eile/