Re: Spaetzle schaerre

On 11. Sep 2021, Maria Horlacher wrote
(in article <[email protected]>):

>
> Guenther Fischer <[email protected]>  wrote:
> > > Hallole,
> > >
> > > I kenn dees als "Henderschefier", ond des war d gleicha Bedeidong wie domm
> > > oder omschdendlich.
> > > So "Schdell de edd so henderschefier a!" oder "Du machsch dees aber
> > > henderschefier".
> > >
> > > Hadd mei Oma, die wo aus Besserabia verdrieba worra isch, oft gsaid.
> > > Keed also von dao komma, oder se hads dohanna aufgschnabbd ond es isch scho
> > > lenger nemme so bekannt des Werdle.
> > >
> > > Dr Marco
> >
> > Es isch omkehrd: D Bassarabiendeutsche send vor 200 Johr aus onserer Gegend
> > (Südwestdeutschland) noch Bessarabien ausgwandert.
> > Deine Vorfahra send sicher echte Schwoba gwä, wenn dei Oma
> > ?Henderschefier? gsaid hodd. Des schnabbt mr edd so oifach auf, so a
> > henderschefiers Wort.
> > I kenn iebrigens a baar Bessarabiendeutsche. Zwoi von denne han i mol zamma
> > brocht. Se hend da gleiche Famiianama ghedd, hend sich aber edd kennd. S
> > hodd
> > sich no rausgschdellt, dass ihre Vorfahra uss em Remstal ausgwandert send
> > ond
> > dass se us em gleicha Dörfle schdammed ond dass se sogar verwandt send
> > mitanand.
> > So isch no ao wieder....
>
> Also Zuafaell geids, ma sodd ed fuer meglich halda. "Berg ond Dal komma ed
> zamma, aber d'Leit" :-))

So isch des. Druff komma send mr aber edd durch en Zuafall. Dr oine isch a 
Schualkamerad von mir, dr andere isch a Gschäftspartner von ma guada alta 
Freind. Eigendlich isch es edd oogwehnlich, dass zwoi da gleiche Familianama 
hend. Aber boide send zemliche Schdurkepf, also Leut, dia midd em Kopf voraa 
durch a jede Wand durch miassed. Des kommt wohl edd von oogfähr....
Des hodd ons no doch veraalassd, dia zwoi noch ihrer Herkonft z froged. 
Bessarabien hodd sich rausgschdellt, aber dort edd uss em gleicha Dörfle. Se 
hend aber boide a Stammbuach gehedd, ond do isch dren gschdanda, wo ihre 
Vorfahra her kommed.
No war es oifach, weil der Pfarrer dort bloos nochgugga hodd miassa, wann d 
Vorfahra ausgwandert send ond wia se verwandt send.