Re: Беларуская лакаліз ацыя GNOME: нашы перспектыв ы & [email protected]

On 10/16/2010 08:58 PM, Ihar Hrachyshka wrote:
> 2010/10/16 Yury Tarasievich<[email protected]>:
>> І да рэчы: вельмі спрэчна казаць пра "нармалізацыі" і "ўзгадненні", калі
>> праца над імі вядзецца, як вядзецца, г.зн. "па-партызанску" і, мала таго, з
>> удзелам іманентных "непрыяцеляў" (маю на ўвазе сёлетнія сустрэчы, якія мы
>> маглі чуць у сеціве і чые вынікі мы маглі чытаць). Паколькі я ўжо выказваўся
>> на гэтую тэму, і людзі тут усе тыя самыя, то паўтарацца, бадай што, не буду.
>
> Спадзяюся, ніжэй напісанае будзе ўспрынята адэкватна, без асабістых крыўд.
> Мяне не цешыць, што вы штораз падымаеце гэтае пытанне ў такой
> плашчыні, быццам сабраліся "непрыяцелі" і "па-партызанску" камусьці
> замінаюць штосьці рабіць "па-правільнаму". Гэта неканструктыўна. Я ўжо
> напісаў вам, Юры, у прыват, цяпер паўтару публічна: "у мяне няма для
> вас іншага глобусу" (без "непрыяцеляў", з актыўным удзелам акадэмічнай
> супольнасці, з абазнанымі адмыслоўцамі і г.д.; калі маеце такі глобус,
> то чаму яго хаваеце ад астатніх?)
...

Ніякіх крыўд. Гэта ўсё зразумела, гэта цалкам 
чакальная рэакцыя на мае словы. Паўтаруся, я 
гэта разумею на 100%.

Але зразумейце і вы (і вы, і вы...). Па-першае, 
у мяне ёсць адчуванне (якое можа быць 
няслушным), што для "знаходжання лепшага 
глобусу" зроблена далёка не ўсё. Нават так, што 
першыя няўдачы былі сустрэтыя з пэўнай унутранай 
палёгкай ("не трэба больш займацца гэтым"). 
Па-другое, я ўсё ж не кажу пра выратаванне папы 
рымскага і не пра засяленне Кітаю коцікамі -- я 
кажу пра цалкам актуальную праблему нашых дзён і 
пра цалкам канкрэтныя методыкі, якія 
прыкладаюцца (ці не прыкладаюцца) да яе 
развязання. Жаданне адвярнуцца да гэтых ветраў 
спінаю і займацца толькі броўнаўскім рухам 
цалкам зразумелае, але я ўгаворваю вас -- 
прынамсі -- не ўспрымаць мае ўгаворы як нейкі 
замах на святую вольнасць. А як пераважна 
тэхналагічную (менавіта так!) заўвагу цвярозым 
(спадзяюся) людзям ва ўмовах вынікаў перапісу. 
Што важней -- выпусціць прадукт 3.0 ці паставіць 
справу каб мелася станоўчая дынаміка? А ці можна 
паставіць справу, ставячы яе так, як гэта 
робіцца зараз? То бок паставіць нейкую можна, 
такіх акварыюмаў колькі ўжо было за 20 гадоў. 
Але такую, якая мела б нейкі ўплыў на грамадскі 
працэс? Пры тым, што іншага сталічнага Мінску з 
іншай Акадэміяй таксама ніхто і ніколі не дасць.

Ну, прыблізна так. А на заканчэнне прашу прыняць 
мае выразы павагі.

Ю.Т.

_______________________________________________
I18n mailing list
[email protected]
http://mova.org/cgi-bin/mailman/listinfo/i18n