Re: mounik.org: пляцоўка-"пар асон" для беларускіх пр аектаў у IT

2010/11/11 Сашка Аляксеенка <[email protected]>:
> А што значыцца "інфарматызацыя беларускага асяроддзя"?

Прапанова тэхнічных сродкаў для працы карыстальнікаў праграм,
літаратурных і тэхнічных перакладчыкаў, чытачоў беларускай літаратуры,
карэктараў і г.д.

> З чаго складаецца
> "функцыянаванне беларускай мовы ў свеце"?

З выкарыстання беларускай мовы ўсімі яе носьбітамі. Не як азнакай
культурна-палітычнага выбару, а як роднай мовай.

> Ды бянтэжыць гэтае "і інш." --
> ёсць яшчэ нешта, ці ўсё што цяпер на моўніку -- гэта ўсё што ёсць, больш
> няма чаго паведаміць і зараз стаіць мэта нешта якаснае ды грунтоўнае
> скласці? Ці плануецца што яшчэ?

Прапануйце штосьці яшчэ. Пакуль што я асабіста займаюся тым, што мне
цікава, пра тое і спрабую скласці нейкае апісанне.

> А як жа тэрміналогія -- якія ёсць
> праблемы, якія варыянты іх вырашэння? Які ёсць вопыт, якія былі ранейшыя
> вынікі? Якія варыянты адказу на пытанне "зачэм біларускій, кагда есьць
> рускій"? Якія варыянты адказу на "чаму такі разлад"? З чым, дарэчы,
> канкурэнцыя -- з рускай, альбо з іншымі варыянтамі беларускай? Можа гэта
> само неяк павінна разумецца, але вось у мяне нешта не атрымліваецца.

А вы паспрабуйце сфармуляваць не пытанні, а адказы... І прапановы.

> Як,
> нарэшце, зразумелі мяне і мае меркаванні аб: 1) стварэнні слоўнікавага
> сметніка для назапашвання як мага большай колькасці варыянтаў шляхам дадання
> простымі людзямі,

Ужо ёсць - kamputerm.org. Не ідэальна рэалізаваны, але працуе і
выконвае якраз такую функцыю.

> ды 2) варыянце размежавання стогай фармальна-прафесійнай
> паслясавецкай тэрміналогіі з побытава-размоўнай карыстальніцкай?

Тэрміналогія - гэта і ёсць строгае, фармальна-прафесійнае... Яшчэ
дадам: акадэмічнае.
Побытава-размоўнае - гэта размоўны стыль, слэнг, арго, але ніяк не тэрміналогія.

Камп'ютарны інтэрфейс - адзін з прыкладаў *тэхнічнага* *навуковага*
тэксту, адпаведна і прынцыпы перакладу стасуюцца тыя ж, што і наогул
для тэхнічнага* перакладу *навуковай* літаратуры (адпаведна: месца
прыгожасці/арыгінальнасці мовы - недзе ў канцы прыярытэтаў).

> Пакуль што я зразумеў, што вось так не трэба таму, што так не
> трэба, а трэба вось так; а чаму так не трэба, і як канктрэтна трэба так -- я
> не зразумеў. Выбачайце за някемліваць.

Як трэба - пра гэта пішуць кнігі. :) З беларускай літаратуры няшмат,
але паглядзіце хоць бы Тэорыю і практыку беларускай тэрміналогіі:
https://docs.google.com/leaf?id=0By8VEjKUdVEyY2E4ZTY3MTQtM2UxMC00Y2M4LTk2OWQtM2U1NTVkODRkNDE1&hl=en

Ігар
_______________________________________________
I18n mailing list
[email protected]
http://mova.org/cgi-bin/mailman/listinfo/i18n