Namn på logiske funksjonar

Ikkje den heilt store responsen her i forumet på reknearkspørsmåla mine, 
men eg prøver med nye innlegg likevel. Denne gongen kanskje litt utopisk 
om logiske bit-funksjonar i LibreOffice (LO).

Slik eg ser det, er dei norske omsetjingane språkleg korrekte, men litt 
tungvinte. Men det er kanskje ikkje noe å gjere med dette sidan Excel 
brukar dei?
Dei to første er etter mitt syn greie:

    BITAND -> BITOG
    BITOR ->BITELLER

Det er dei tre neste eg kunne tenke meg å forandre:

    BITLSHIFT ->BITSKIFTV eller BITVSKIFT (Nå: ikkje omsett i nn,
    BITVFORSKYV i nb og Excel)
    BITRSHIFT -> BITSKIFTH eller BITHSKIFT (Nå: ikkje omsett i nn,
    BITHFORSKYV i nb og Excel)
    BITXOR -> BITXOR  (Nå: Ikkje omsett i nn, BITEKSKLUSIVELLER i nb og
    Excel)

Sjølv likar eg best forslaga eg har skrive like etter ->. Ref. også 
tidlegare innlegg her i forumet.
Til språkfolka: Er det nødvendigvis noen språklege skilnader (i denne 
samanhengen) på å forskyve tala og å skifte dei? (Eg er ikkje språkmann 
sjølv).

Grunnen til at eg stiller spørsmåla er at eg *trur* dei som bruker desse 
funksjonane i eit rekneark er vane med dei frå andre samanhengar, og då 
gjerne i «kortformane». Eg har ikkje gjort undersøkingar på dette. Men 
dei gjeldande formene er kanskje så godt innarbeidde at det er vanskeleg 
å forandre dei?

Dette er på ingen måte noe stort problem for meg, bare eit lite ønskje 
om / forsøk på å gjere reknearket litt enklare i bruk.

Helsing
Kolbjørn Stuestøl