Re: Dashboard (LibreOffice Online)

Den 08.07.2016 11:31, Kjetil Torgrim Homme skreiv:
> to. den 07. 07. 2016 klokka 21.44 (+0200) skreiv Kolbjørn Stuestøl:
>> LibreOffice har også ei online-utgåve. I filene som skal omsetjast for
>> dette programmet er det brukt ordet "dashboard". Er det nokon som har
>> tilgang til programmet som kan finne ut kva dashboard er i denne
>> samanhengen? Ordet er ikkje oppført i fellesordlista.
>> Diverre er vi ikkje nok kundar i området der eg bur til at vi får
>> tilgang på skikkeleg Internett. Difor kan eg ikkje prøve ut denne utgåva
>> av LibreOffice.
>>
>> Ordet er omsett slik i
>>
>>      bokmål: Dashboard (ja, det står oppført som omsett)
>>      dansk: Instrumentbræt
>>      svensk: Instrumentpanel
>>      tysk: Übersicht
>>
>> Eg meiner å hugsa at dette ordet har vore diskutert i dette forumet
>> tidlegare, men finn ikkje tråden.
>>
> utan å ha sett dette sjølv (fann ein online demo hos rollapp, men dei
> hadde ikkje noko som kunne minne om "dashboard"), har eg trua på at det
> er tyskarane som har forstått konseptet.  "dashboard" i vevsamanheng er
> gjerne di personlege heimeside der du kan redigere kva element som skal
> vere med.
>
> så eg foreslår noko slikt som "startside", "heimeside", "oversikt",
> "startpanel".  eg ville helst ikkje brukt "kontrollpanel", sidan det
> gjerne vert brukt om der ein gjer brukarinnstillingar.
>
Mykje av LibreOffice blir utvikla i Tyskland, så difor har eg alltid 
mellom andre tysk ope når eg omsett programmet. Mange kode-ID-ar er for 
eksempel på tysk. Difor trur eg du har rett i forslaga dine.
Som sagt, veit eg ikkje kva "dashboard" er i LibreOffice Online. Bør 
kanskje ta med ein PC til siviliserte strok (dvs. med breiband) og prøve 
å finne det ut?
Helsing
Kolbjørn