INFORMITALE 219 Eksposicio pri L. Zamenhof ĉe la it ala Parlamento

*********************************************************
INFORMITALE 219
Oficiala inform-servo de Itala Esperanto-Federacio

Lunde, la 06an de novembro oni inaŭguris ekspozicion pri Ludvik Zamenhof
organizita de la ambasadejo de Pollando en Romo kaj de Itala
Esperanto-Federacio. "La Kreinto de Esperanto, 1959-1917" estos vizitebla
ĝis la 20a de novembro ĉe la Biblioteko de la Deputita Ĉambro kaj konsistas
el vertikalaj paneloj kaj alternaj horizontalaj tekoj pri la jenaj temoj:
mondaj kaj italaj literaturaĵoj tradukitaj en Esperanton, infanaj libroj,
esperantologio, turismaj gvilibroj, religioj, nuklea fotoj atestantaj la
sekvojn de nuklea bombado super Hiroshimo kaj Nagasaki, la paco-premio
"Zamenhof"  por pli justa mondo, kun fotoj de kelkaj gajnantoj plej konataj
en Italio (Moni Ovadia, Tiziano Terzani, Claudio Abbado ktp).
Je la inaŭguro partoprenis kvindeko da invititoj, ĝenerale konsilantoj de
ministerioj, diplomatoj oficistoj de la biblioteko. Inaugurajn paroladojn
faris la afersharghito de la pollanda ambasadejo Marta Zielisnka-Sliwka, la
prezidanto de la Komisiono pri eksterlandaj aferoj de la Deputita Ĉambro
hon. Fabrizio Cicchitto, la itala ambasadoro en Norvegio kaj Islando
Giorgio Novello kaj la prezidanto de Itala Esperanto-Federacio, Michela
Lipari, kiu poste gvidis la gastojn al vizito de la ekspozicio.
La itala publika nacia televido filmis la inaŭguron kaj la tutan
ekspozicion,kiu estos vizitebla ĝis la 20a de novembro.


*********************************************************
Informitale
Itala Esperanto-Federacio - <[email protected]>
Itala Esperantista Junularo - <[email protected]>
via Villoresi, 38 I-20143 Milano - Tel+fax +39 02 58100857
http://www.esperanto.it/