Gazeta “Illyria” në New York – 300 per 28 Nentorin

Gazeta “Illyria” në New York – 300 për 28  Nëntorin





Gazeta shqiptaro-amerikane “Illyria” botoi më 28 Nëntor një numër 
voluminoz  me 300 faqe, kushtuar Ditës së Flamurit dhe Pavarësisë së Shqipërisë.
E  njohur si zëri më I rëndësishëm I shqiptarëve të Amerikës në këto 20 
viytet e  fundit, “Illyria” ka luajtur një rol të rëndësishëm në punën e 
diasporës për të  ndihmuar në çështjen kombëtare, në ndërkombëtarizimin e 
çështjes së Kosovës dhe  krijimin e një imazhi pozitiv për Shqipërinë. Të drejtat 
dhe liritë e  shqiptarëve në të gjitha trojet tona historike mbetet mision I 
kësaj gazete edhe  sot e kësaj dite.
Ky numër I 28 Nëntorit përmban materiale të rëndësishme  historike, studime 
dhe analiza. Ato gërshetohen bukur me kujtime personale e  dëshmi historike 
nga e kaluara që I sjellin lexuesit emocionet e disa prej  epokave të 
rëndësishme të historisë sonë. 
Gazeta lidh në mënyrë të natyrshme  të kaluarën me të sotmen. Ajo përmban 
intervista të posaçme që informojnë për  zhvillimet e fundit në trojet 
shqiptare dhe përçojnë mesazhe me vlera për  diasporën.
Si gjithmonë i lihet vend prezantimit të figurave të ndryshme të  
komunitetit, në fushën e biznesit, kulturës etj. Nisma humanitare apo kombëtare  që 
burojnë nga komuniteti shërbejnë për të dhënë mesazhin se lidhjet me atdheun  
pritet vetëm që të shtohen në të ardhmen dhe “Illyria” e ka për detyrë që t
’I  nxisë dhe propagandojë ato.
Me qindra aktivistë, biznesmenë, përfaqësues  organizatash, fondacionesh e 
dashamirës së gazetës kanë botuar mesazhet e tyre  tradicionale uruese për 
festën e madhe të 28 Nëntorit.
Është traditë tashmë  që çdo vit, “Illyria” boton një numër gjigand që 
ruhet si koleksion nga lexuesit  e saj, një lloj libri historik që “mat” 
rrugën në të cilën ka ecur kombi dhe  komuniteti. 
“Është një nga arritjet e rëndësishme të këtij komuniteti në  vite”, thotë 
botuesi Vehbi Bajrami. “Shqiptaro-amerikanët janë shquar në shumë  drejtime 
në këtë epokë të rëndësishme të kombit shqiptar dhe suksesi i gazetës  
Illyria është një nga provat e forcës së këtij komunitetit”.
Gazeta “Illyria”  e cila shitet në të pesë lagjet e mëdha të qytetit të 
New York-ut shkon në formë  abonimi në të mbarë Shtetet e Bashkuara të 
Amerikës. E themeluar 20 vjet më  parë, ajo nuk bën dallim mes shqiptarëve, 
pavarësisht nga bindjet e tyre  politike, besimet fetare apo trojet nga vijnë apo 
ku jetojnë. Është një gazetë  që I bashkon të gjithë shqiptarët rreth idealit 
kombëtar, rreth Flamurit që e  ngremë me krenari çdo vit në 28 Nëntor.


Ruben  Avxhiu
Editor-in-chief 
Illyria newspaper 
481 8th Avenue, Suite 537  
New York, NY 10001  
212-868-2224