[AlbClub] Aplikimet për skemën e bursave: Ox ford Hospitality

                  *** AlbClub Discussion List ***

Janë hapur aplikimet për skemën e bursave: Oxford Hospitality

Prill 2008 – Mars 2009

Universiteti i Oxfordit, se bashku me Institutin e Shoqërisë së Hapur
mirëpresin aplikime nga studiues, të cilët dëshirojnë të punojnë në
bibliotekat e Universitetit ose të kontaktojnë me akademikë specialistë të
fushës së tyre. Programi ofron vizita njëmujore në një prej kolegjeve të
Oxford-it, zakonisht gjatë muajve të verës. Aplikantët zakonisht duhet të
jenë në një fazë post-doktorature ose fazë tjetër ekuivalente, mbi 26 vjeç,
e të jenë pedagogë në universitete ose anëtarë të instituteve kërkimore. 

Studiuesit do të përfitojnë qëndrim dhe ushqim falas plus shuma të vogla për
fotokopje, libra dhe shpenzime personale. Ekziston edhe mundësia e mbulimit
të shpenzimeve të udhëtimit.

Aplikantët duhet të kenë njohuri të mira të anglishtes së folur. Do të
shihen me prioritet aplikimet e atyre që po përfundojnë punën për një gradë
të avancuar ose që po punojnë në një projekt specifik si libër apo kurs i
ri, dhe aplikimet e atyre të cilëve nuk u është dhënë mundësia të studiojnë
jashtë Evropës Qendore e Lindore ose shteteve të ish-Bashkimit Sovjetik. Ata
që kanë shpenzuar dy muaj ose më shumë kohë akademike në Perëndim që nga 1
Prilli 2006 deri në fillimin e vizitës, nuk mund të përzgjidhen.

klikoni
<http://www.soros.al/oxfordhospitality_Notes%20and%20Application%20form.doc>
këtu për të shkarkuar për informacion më të zgjeruar dhe një kopje të
formularit të aplikimit.

Për më shumë detaje kontaktoni:

Llazar Jorganxhi, koordinator i bursave
Fondacioni Soros 
Rr. Pjetër Bogdani, nr. 23/1
Tel: +355-4-235856, 248-213
Fax: +355-4-235-855
E-mail: [email protected]


Aplikimet e plotësuara duhen dorëzuar në zyrën e mësipërme brenda datës 9
Nëntor 2007 në dy kopje (një origjinale dhe një fotokopje e gjithë dosjes).

______________________________________________________________
If you wish to unsubscribe, send a blank message to:
[email protected] , or visit Alb-Club's page at:
http://www.alb-net.com/mailman/listinfo/alb-club